Italy, Rome awaiting majestic Jubilee event, increased security measures

Kryeqyteti italian Roma është në pritje të eventit madhështor të Vitit Jubilar të Mëshirës proklamuar nga Papa Francesko prej datës 8 dhjetor 2015 e deri më 20 Nëntor 2016.

Prej ditës së dielë në këtë qytet ka nisur veprimi i një plani special mbi mbikqyrjen e rendit e sigurisë publike hartuar nga Ministria e Brendshme Italiane, Prefektuara e Bashkia e qytetit të Romës.

Rreth 200 vidokamera të reja janë instaluar në zonën përreth mureve të Vatikanit e në qëndrën historike të qytetit. Mbi 2000 forca rendi i janë shtuar patrullimit të rrugëve të qytetit e kontrollit të objekteve me rëndësi strategjike. Rreth 2250 trupa të ushtrisë italiane i janë bashkuar planit të sigurisë së qytetit duke vënë nën mbikqyrje speciale stacionet e metrosë, rrugë e qëndra monumentale.

Prej mëngjesit të 6 dhjetorit qielli i Romës është shpallur No Fly Zone duke ndaluar fluturimin mbi qytet të avionëve të lehtë e praktikimin e masave antidronë. Deri më 9 dhjetor, pra një ditë pas nisjes Jublieut të Mëshirës e hapjes së Derës së Shenjtë në sheshin Shë Pietro në Vatikan, në të gjitha rrugët e kryeqytetit italain është ndaluar trasporti tregtar karburanteve, municioneve, lëndëve plasëse, gazeve toksikë. Jënë të ndalaur përdorimi i hedhjes së fishekzjrreve, i xhirimeve kinematografike e televizive që parashikojnë përdorimin e materialeve e lëndëve të tilla.

Në strukturat shëndetësore të Romës janë rezervuar shtretër e qëndra ndihme të shpejtë në rast të një situate krize.

Në Vatikan gjithcka është gati për nisjen e këtij Vitit të Shenjtë të Mëshirës. Rreth 1000 gazetarë nga e gjithë bota janë akredituar pranë zyrës së shtypit të Selisë së Shenjtë në ndjekje të këtij eventi madhështor.

Në ora 9.30 të mëngjsit të datës 8 dhejtor do të nis zyrtarisht Viti Jubilar i Mëshirës. Papa Francesku do të kërkoj hapjen e Derës së Shenjtë në Sheshin Shën Pietro të cilën do ta kapërcej i shoqëruar nga kardinalë, peshkopë, fetarë e besimtarë që me një procesion të ngadaltë do ta shoqërojnë deri në Varrin e Apustollit Pietro ku do të celebrohet dhe Mesha e Shenjtë.

Do të marrë pjesë në këtë event dhe Papa i Nderit Benedikti i XVI, Presidenti i Republikës italiane Serxhio Mattarella e trupa diplomatikë të akredituar pranë Selisë së Shenjtë.